| E
celebracion di Arubadag pa 2009 lo tuma lugar ariba diadomingo
15 di Maart. Ariba e dia aki e comunidad Arubano na Hulanda hunto
cu amigonan di Aruba ta celebra nan dia nacional esta Dia di Himno
y Bandera. E celebracion na Aruba mes ta ariba 18 di Maart.
Ariba
18 di Maart 1976 pa prome biaha e hisa e bandera di Aruba y
a canta e himno ‘Aruba Dushi Tera’. E dia aki ta simbolisa
e lucha di e Arubiano pa su Status Aparte.
E
sentimiento aki ta traduci su mes den e manera con e comunidad
Arubano ta celebra nan dia nacional na Hulanda. E celebracion
na Hulanda a inicia na 6
di Juni 1976 na Amsterdam (Klik Aki) y a crece bira
un evento multicultural cu tur aña ta atrae miles di
persona. E celebracion di Arubadag na Hulanda ta uni Arubiano
y otro nacionalidad na Hulanda.
E
aña aki e evento ta tuma lugar den Groenoordhallen na
Leiden, un localidad conoci pa nos hendenan. Nos por tene e
evento na e localidad aki, pasobra e plannan pa basha e lugar
abou a keda posponi por lo pronto.
E
aña aki lo tin un cambio den e prijs pa entrada: hende
grandi ta paga € 10,- den voorverkoop y na porta e entrada
lo ta €15,-. Pa mucha te cu 12 aña entrada lo ta
pornada. Asinaki nos ta duna realse na e dia aki como un dia
di famia. Por bestel caarchi on line of via organisacionnan
Arubiano. Si resta caarchi lo por cumpra esaki na porta ariba
e dia di e evento.
|
